Útflutningur á sandi

Eins og síðulesendum er kunnugt, er hér á Hrauni mikill sandur sem Ölfusáin ber fram.  Í áratugi hefur sandur verið seldur hér, framan af nær eingöngu í pússningu veggja, úti sem inni.  Síðar hefur farið mikið magn í fótbolta- og golfvelli til að bæta jarðvegsástand og til uppbyggingar vallanna.

 Á síðasta ári urðu þáttarskil í sölumálum sands því ágætt fyrirtæki,  Eden ehf, hóf útflutning á sandi til  iðnarframleiðslu.  Fáir höfðu trú á að hægt væri að gera þetta arðbært, þar sem kostnaður við að koma sandinum á áfangastað er mikill.  Hins vegar reynist sandurinn afar vel og eru horfur á að salan aukist ef áætlanir ganga eftir.  Þrautseigju og framsýni þeirra Edenmanna er fyrir að þakka að þetta tókst.  

HK

Lífið á bænum

trippi 2007.jpg