Uppskera

hk og sg upptaka 10 07 201222. júlí 2012
Nú er kærkomin rigning í Ölfusinu, en almennileg suð-austanátt hefur ekki komið hér síðan í apríl. Þurrkar síðustu mánaða hafa komið hér, eins og víða annarsstaðar, illa niður á uppskerunni, og er þá sama hvort talað er um rófusprettu eða heyfeng.   Rófur voru sendar hér á markað 10. júlí, fyrr en oftast áður  og tókst okkur að vera  jafn snemma og þeir sem voru með forræktaðar rófur (rófur sem sáð er í gróðurhúsi og plantað út).  Þetta var hægt úr garði sem við höfðum kost á að vera með vökvunarkerfi í. 

Kálmaðkur í rófum virðist víða vera svæsinn og varp kálflugunnar vera mun fyrr en áður.  Hefðbundnar varnir duga misjafnlega og verður því að grípa til annarra aðgerða ef maðkurinn kemst á skrið.  Reikna verður með að þetta kunni að hafa áhrif á framboð á komandi vetri  þó erfitt sé að meta það á þessu stigi.

Heyfengur af sandtúnunum hér var aðeins um helmingur af meðalheyfeng, enda brunnu þau illa á köflum.  Nú er að vona að væta verði næg svo háin dugi til að heyfengur verði nægur.  Afleiðingar þurrka sem þessara á túnin eru varanlegar því sáðgrösin, þá sérstaklega vallafoxgrasið, hverfur og upp koma mun lakari og afkastaminni grastegundir.

Lífið á bænum

trippi 2007.jpg